Tsıfrlyq qala qurylysy kadastry el boıynsha keńeıtilip jatyr
ASTANA. KAZINFORM — Qala qurylysy kadastry júıesi elimizdiń 89 qalasynda synaq kezeńinen sátti ótti.
— 2026 jyldyń І jartyjyldyǵynda Memlekettik qala qurylysy kadastrynyń avtomattandyrylǵan aqparattyq júıesi (MQQK AAJ, qala qurylysy kadastry) arqyly elimizdiń barlyq aýmaǵynda memlekettik qyzmetter kórsetýge qoljetimdilikti qamtamasyz etý josparlanǵan.
Osyǵan baılanysty qazirgi ýaqytta birqatar daıyndyq is-shara kesheni, onyń ishinde aqparattyq qaýipsizdik, bıznes-protsesterdi ońtaılandyrý jáne masshtabtaý kezinde júıeniń turaqty jumysyn qamtamasyz etý boıynsha jumystar júrgizilýde, — delingen Ónerkásip jáne qurylys mınıstrliginiń habarlamasynda.
Aıta ketý kerek, Memlekettik qala qurylysy kadastrynyń avtomattandyrylǵan aqparattyq júıesi arqyly bastapqy-ruqsat berý qujattamasyn usyný memlekettik qyzmet kórsetý protsesiniń ashyqtyǵyn qamtamasyz etedi ári normatıvtik qala qurylysy reglamentteriniń buzylýyna jol bermeıdi.
Qala qurylysy kadastry júıesi elimizdiń 89 qalasynda synaq kezeńinen sátti ótti.
2024 jyldyń 9 jeltoqsanynan 2026 jylǵy 20 aqpan aralyǵynda pılottyq jumys barysynda jergilikti atqarýshy organdar tarapynan 160 myńǵa jýyq ótinim qaraldy, onyń ishinde sáýlet-josparlaý tapsyrmasyn berý (rekonstrýktsııa kezinde/jańa qurylys salý úshin) boıynsha 98 myń ótinim jáne eskızdik jobany kelisý boıynsha 61 myń ótinim berildi.
Aıta ketelik Qazaqstanda barlyq qala qurylysy jobalary boıynsha mindetti saraptama engiziledi.