Tsıfrlyq derekterdiń tolyq bolmaýy áleýmettik teńsizdikti kúsheıtýi múmkin — depýtat
ASTANA. KAZINFORM — Memlekettik sheshimder qabyldaýda jasandy ıntellekt pen tsıfrlyq tehnologııalardy paıdalaný halyqtyń keıbir toptarynyń múddesi eskerilmeı qalý qaýpin týdyrady. Bul másele Astanada ótken «Ortalyq Azııa elderin turaqty damytýǵa arnalǵan ǵylym, derekter jáne boljaý» halyqaralyq konferentsııasynda kóterildi.
Quryltaı depýtaty ıÝlııa Kýchınskaıanyń pikirinshe, jasandy ıntellekt jasaǵan boljamdardyń dáldigi eń aldymen oǵan berilgen aqparattyń sapasy men tolyqtyǵyna baılanysty. Eger derekter bazasynda halyqtyń belgili bir bóligi qamtylmasa, memlekettik baǵdarlamalar olardyń naqty qajettilikterin eskermeýi múmkin.
— Biz tsıfrlyq júıeler men boljaý algorıtmderi naqty adamdardyń jaǵdaıyn qanshalyqty eskeretinin oılanýymyz kerek. Eger derekter bazasynda áleýmettik osal toptar, shalǵaıdaǵy fermerler nemese ishki mıgranttar týraly málimetter bolmasa, memlekettik boljamdardyń dáldigi tómendeıdi. Mundaı jaǵdaıda qabyldanǵan sheshimder áleýmettik teńsizdikti kúsheıtýi múmkin, — dedi depýtat konferentsııada.
Onyń aıtýynsha, mundaı jaǵdaı aýyl sharýashylyǵynda da týyndaýy múmkin.
— Eger tsıfrlyq júıede negizinen iri sharýashylyqtardyń málimetteri qamtylyp, shalǵaıdaǵy shaǵyn fermerlerdiń jaǵdaıy eskerilmese, qurǵaqshylyqtan zardap shekken sharýalarǵa arnalǵan memlekettik qoldaý qajetti jerge jetpeýi múmkin. Tsıfrlyq júıede aqparattyń kóp bolýy onyń mindetti túrde shynaıy ári tolyq ekenin bildirmeıdi. Sondyqtan memlekettik sheshim qabyldaǵanda dástúrli statıstıkamen qatar basqa da derekkózderdi paıdalaný mańyzdy, — dep qosty ıÝlııa Kýchınskaıa.
Qazaqstanda bul baǵytta zańnamalyq negiz qalyptasyp keledi. Atap aıtqanda, jeke málimetteri kórsetilmegen jınaqtalǵan derekterdi memlekettik jáne statıstıkalyq maqsatta paıdalanýǵa múmkindik qarastyrylǵan.
— Mundaı aqparatqa mobıldi operatorlardyń málimetteri, qarjylyq operatsııalar týraly jınaqtalǵan derekter jáne ǵaryshtyq baqylaý nátıjeleri jatady. Olardy taldaý arqyly halyqtyń kóshi-qonyn, eńbek naryǵyndaǵy ózgeristerdi jáne óńirlerdiń áleýmettik qajettilikterin dálirek boljaýǵa bolady. Bul rette azamattardyń jeke derekteriniń qorǵalýy basty talap bolyp qala beredi, — dedi depýtat.
Aıta keteıik, buǵan deıin Qazaqstanda Ortalyq Azııa ǵalymdarynyń klımattyń ózgerýine qatysty zertteýlerin biriktiretin tsıfrlyq platforma ázirlengeni habarlandy.
