Tsıfrlyq damý mınıstrliginiń keı fýnktsııasy Ǵylym mınıstrligine beriledi

ASTANA. KAZINFORM — QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń birqatar fýnktsııasy Ǵylym jáne joǵary bilim mınıstrligine beriletin boldy.

— Memleket basshysynyń tapsyrmasyn oryndaý maqsatynda TsDIAÓM-niń negizinde Qazaqstan Respýblıkasynyń Jasandy ıntellekt jáne tsıfrlyq damý mınıstrligi qurylatyn bolady. Bul rette ınnovatsııalyq saıasat jónindegi fýnktsııalar ǴJBM-ge beriletin bolady. Jarlyqtyń jobasy organdardyń kelisýinde jatyr, — dedi Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev. 

Mádıevtiń bul sózin Ǵylym jáne joǵary bilim mınıstri de óz baıandamasynda naqtylap ótti.

— Memleket Basshysynyń Joldaýyn iske asyrý maqsatynda ınnovatsııalyq saıasatqa qatysty fýnktsııalar Ǵylym jáne joǵary bilim mınıstrligine berilýde. Beriletin baǵyttar kelesini qamtıdy:

— ınnovatsııalyq granttar berý;

— ónerkásiptik-ınnovatsııalyq jobalardy qarjylandyrý;

— ınvestıtsııalyq qorlar qurý;

— arnaıy ekonomıkalyq aımaqtardy damytý;

— akseleratsııa jáne bıznes-ınkýbatsııalaý;

— bilim berý jáne ǵylymı-tehnologııalyq baǵdarlamalardy engizý, — dedi Saıasat Nurbek

Aıta keteıik, buǵan deıin elimizde 5 jyl ishinde 1 mln adam túrli baǵdarlamalar arqyly JI daǵdylaryn úırenetinin jazǵan edik.