Tsıfrlyq dálelderdi sot otyrystarynda qoldaný jeńildeıdi

ASTANA. KAZINFORM — Májilis ázirlep jatqan Tsıfrlyq kodekske «tsıfrlyq dálel» jáne «tsıfrlyq deldal» uǵymdary engizilmek. 

Bul uǵymdardy zańnamaǵa engizý arqyly Yandex Go, Glovo, Chocofood sııaqty eńbek platformalarynyń, Kaspi, Wildberries, OZON sııaqty marketpleısterdiń, booking, krisha.kz qyzmet agregatorlarynyń, memlekettik tsıfrlyq servısterdiń jaýapkershiligi men jumys tártibin naqty belgileýge jol ashady.

— «Tsıfrlyq dálelder» uǵymy alǵash ret engizilip otyr. Bul olardy azamattyq quqyqtyq qatynastar men sot protsesterinde paıdalaný múmkindigin ashady. Bul sandyq jazbalardy, jýrnaldar men tranzaktsııalardy zańdyq mańyz bar kózder retinde tanýǵa múmkindik beredi, — dedi qujatty tanystyrǵan Ekaterına Smyshlıaeva.

Aıta ketý kerek, osy kodeksti qabyldaý arqyly tsıfrlyq derekterdi zań júzinde múlik retinde moıyndaý usynylyp otyr.