Tsıfrlyq aktıvterdi kúndelikti tólemderde qoldaný qalaı iske asyp jatyr
ASTANA. KAZINFORM – Tsıfrlyq aktıvterdi turǵyn úı salasynda qoldaný boıynsha da jańa jobalar iske asvp jatyr. Bul týraly Úkimet otyrysynda Jasandy ıntellekt jáne tsıfrlyq damý vıtse-mınıstri Ǵızzat Baıtursynov málim etti.
- Tsıfrlyq aktıvterdi kúndelikti tólemderde qoldaný baǵyty da damyp keledi. Binance Kazakhstan jáne Alatau City Bank-pen birlesip tsıfrlyq aktıvtermen tólem jasaý múmkindigi iske qosyldy. Paıdalanýshynyń QR-kod arqyly tsıfrlyq aktıvtermen tóleýge, al satýshynyń tólemdi teńgemen qabyldaýǵa múmkindigi bar. Búgin bul servıs Qazaqstan boıynsha 5 000-nan astam saýda núktesinde qoljetimdi. Qazirdiń ózinde 100-den astam tranzaktsııa júrgizildi. Kelesi kezeńde Halyk Bank, Freedom Pay jáne Tarlan-men ıntegratsııa josparlanǵan. Sonymen qatar, kúndelikti tólemder úshin teńgege baılanǵan steıblkoındardy engizý qarastyrylýda, - dedi Ǵ. Baıtursynov.
Onyń aıtýynsha, tsıfrlyq aktıvterdi turǵyn úı salasynda qoldaný boıynsha da jańa jobalar iske asyrylýda. Sonyń biri - Baspana Hub platformasy. Baspana Hub turǵyn úıge qatysty negizgi qyzmetterdi bir jerde biriktirýge múmkindik beredi. Platforma arqyly turǵyn úı izdeýge jáne jyljymaıtyn múlik týraly qajetti aqparatty alýǵa bolady.
Sonymen qatar, atalǵan platformada jyljymaıtyn múlikti tokenızatsııalaý boıynsha fýnktsııasyn qosý josparlanǵan. Bul azamattarǵa páterdi tolyq satyp almaı-aq, onyń belgili bir úlesine ınvestıtsııa salýǵa múmkindik beredi. Qazir osy modeldi retteý, banktermen ıntegratsııa jáne servısterdi keńeıtý jumystary júrgizilýde.
Budan buryn habarlanǵandaı, elimizde 76 lıtsenzııalanǵan maıner bar.
