Tsıfrlandyrý jáne ınnovatsııalar ınstıtýtynyń dırektory aýysty
ASTANA. KAZINFORM — Prezıdenttik jastar kadr rezerviniń múshesi jańa laýazymǵa taǵaıyndaldy, dep habarlaıdy Memlekettik qyzmet isteri agenttiginiń baspasóz qyzmeti.
2025 jylǵy Prezıdenttik jastar kadr rezerviniń múshesi Murat Ǵalıasqaruly Qojanov Qazaqstan Respýblıkasy Prezıdentiniń janyndaǵy Memlekettik basqarý akademııasynyń Tsıfrlandyrý jáne ınnovatsııalar ınstıtýtynyń dırektory laýazymyna taǵaıyndaldy.
Murat Ǵalıasqaruly 2025 jylǵy Prezıdenttik jastar kadr rezervine «Tsıfrlandyrý» baǵyty boıynsha qabyldanǵan.
1992 jylǵy 26 tamyzda Qaraǵandy qalasynda dúnıege kelgen.
Bilimi:
Qaraǵandy memlekettik tehnıkalyq ýnıversıteti, «Aqparattyq qaýipsizdik júıeleri» mamandyǵy boıynsha bakalavr;
Qaraǵandy memlekettik tehnıkalyq ýnıversıteti, «Esepteý tehnıkasy jáne baǵdarlamalyq qamtamasyz etý» mamandyǵy boıynsha magıstr;
Óbuda University (Vengrııa), Doctoral School of Applied Informatics and Applied Mathematics doktorantýrasy.
Qazaq, orys jáne aǵylshyn tilderin meńgergen.
Eńbek jolyn 2015 jyly Qaraǵandy memlekettik tehnıkalyq ýnıversıtetinde kafedra zerthanasynyń meńgerýshisi bolyp bastaǵan. 2015–2025 jj. Ábilqas Saǵynov atyndaǵy Qaraǵandy tehnıkalyq ýnıversıtetinde basshylyq jáne ǵylymı-pedagogıkalyq qyzmetter atqardy. Atap aıtqanda, elektrondyq bilim berý tehnologııalary ǵylymı-zertteý ınstıtýtynyń dırektory, tsıfrlandyrý basqarmasynyń basshysy, aqparattyq tehnologııalar departamentiniń dırektory qyzmetterin atqarǵan.
2025 jyldyń aqpan aıynan bastap Ábilqas Saǵynov atyndaǵy Qaraǵandy tehnıkalyq ýnıversıtetiniń «Kıberqaýipsizdik jáne jasandy ıntellekt» kafedrasynyń meńgerýshisi qyzmetin atqaryp keledi.
Ǵylymı jarııalanymdardyń avtory, birqatar aqparattyq júıege avtorlyq kýálikterdiń ıegeri. «JOO-nyń úzdik oqytýshysy — 2023» ataǵynyń ıegeri. «Bolashaq» halyqaralyq baǵdarlamasynyń túlegi.
Budan buryn Ulttyq bank tóraǵasynyń orynbasary taǵaıyndalǵanyn jazdyq.
