Tsıfrlandyrý qazaqstandyq stýdentterdiń ómirin qalaı jeńil etti

ALMATY. KAZINFORM –  Ǵylym jáne joǵary bilim vıtse-mınıstri Dınara Şeglova «Digital Almaty» forýmyndaǵy paneldik talqylaý barysynda vedomstvo negizge alatyn tsıfrlyq sheshimder týraly aıtty.

Tabysty keısterdiń biri retinde spıker eGov-mobile qosymshasy arqyly joǵary oqý oryndaryna qujat tapsyrý múmkindigin atap ótti.

«Búginde qujatty eGov arqyly eshqaıda shyqpaı, elektrondy túrde tapsyrýǵa bolady. Osyǵan deıin 13 myń talapker bul qyzmetti paıdalandy. Sonymen qatar 1 414-ten 60 myń SMS habarlamasyn aldy. Bul baqytty SMS, sebebi sol arqyly 60 myń talapker grant alǵany jaıly bildi», - dedi Dınara Şeglova. 

Sondaı-aq onlaın qyzmetter arqyly grant ıegerleri ǵana emes, aqyly oqıtyndar, magıstranttar, doktoranttar da ótinish bere alady.

Spıker jańa oqý jylynda stýdentter eGov arqyly jataqhana nemese azamattardyń áleýmettik toptaryna sáıkes tamaq ala alatynyn tilge tıek etti.