Tsıfrlanbaǵan tilder joıylady - Qyrǵyzstan Mınıstrler Kabınetiniń basshysy
BІShKEK. KAZINFORM – Qyrǵyzstan Mınıstrler kabınetiniń tóraǵasy Aqylbek Japarov Open AI kompanııasynyń vıtse-prezıdenti Arka Darmen jasandy ıntellektti damytý perspektıvalaryn talqylaý barysynda tsıfrlanbaǵan tilder joıylady degen pikirimen bólisti, dep habarlaıdy Qyrǵyzstan Respýblıkasy Mınıstrler Kabınetiniń baspasóz qyzmeti.
Qyrǵyz Respýblıkasy Mınıstrler kabıneti basshysynyń atap ótýinshe, úkimet jasandy ıntellektti damytýmen aınalysatyn qyrǵyz startaptaryn barynsha qoldaıdy. Ol byltyr qyrǵyz tilin taný jáne tildi odan ári damytý úshin jasandy ıntellekt daıyndaý maqsatynda sýperkompıýter satyp alynǵanyn aıtty.
«Premer-mınıstr retinde qyrǵyz tiliniń tsıfrlyq álemde áli sonshalyqty keń taralmaǵanyna alańdaımyn. Tsıfrlanbaǵan tilder jazba tili bolmaǵan tilder sııaqty taǵdyrǵa ushyrap, joıylady dep oılaımyn. Biz úshin qyrǵyz tilin saqtaý, damytý – ulttyq egemendik máselesi», – dedi ol.
Aqylbek Japarov úkimettiń Open AI-men uzaq merzimdi yntymaqtastyqqa daıyn ekenin atap ótti.
«Biz sizdiń kompanııańyzdyń ınnovatsııalyq tehnologııalaryn synaqtan ótkizý jáne pılottyq engizý alańy retinde áreket etýge daıynbyz. Biz qazir memleketti tsıfrlandyrý salasynda sheshýshi qadamdar jasap, memlekettik basqarýdy reformalaýda jasandy ıntellektti paıdalanýǵa daıynbyz», – dedi mınıstrler kabınetiniń basshysy.
Open AI kompanııasynyń vıtse-prezıdenti Arka Dar jasandy ıntellekt arqyly jobalardy ázirleýde odan ári yntymaqtastyq pen tájirıbe almasýǵa daıyn ekenin bildirdi.
