TsentrKredıt Banki klıentterine balalarǵa arnalǵan qarjy saýattylyǵy týraly kitap tartý etti
ASTANA. KAZINFORM – Astanada QR Ulttyq akademııalyq kitaphanasynda qarjy sarapshysy Laýra Baıjarasovanyń «Baılyq formýlasy» atty kitabynyń tusaýy kesildi.
Atalmysh kitap 11-15 jas aralyǵyndaǵy jasóspirimderdi qarjy saýattylyǵyna baýlýǵa arnalǵan. Týyndynyń jaryq kórýine TsentrKredıt Banki qoldaý bildirdi.
Ulttyq valıýta kúni qarsańynda elimizdiń ár óńirindegi banktiń bólimshelerinde atalmysh kitap klıentterge tartý etildi. Bank bul syılyq ár otbasynyń balamen aqsha taqyrybynda ashyq áńgime bastaýyna sep bolady degen senimde.
«Ulttyq valıýta kúni – qarjy saýattylyǵynyń qaıdan bastaý alatyny tóńireginde oı tolǵaıtyn tamasha sát. Sebebi qarjy mádenıeti ádette bala kezden, ıaǵnı alǵashqy qalta aqshasynan, alǵa qoıǵan alǵashqy maqsaty men derbes jasaǵan alǵashqy tańdaýynan bastalady. Laýra Baıjarasovanyń eńbegi jasóspirimderge tym kúrdeli sózsiz, túsinikti tilde baǵyt-baǵdar berip, qarjyny ornymen jumsaýdy úıretedi. Sondyqtan bul bastamany yqylaspen qoldap, kitapty klıentterimizge syıǵa tarttyq. Bul – bankimiz qarjy saýattylyǵy aıasynda turaqty túrde júzege asyryp kele jatqan aýqymdy jobamyzdyń biri », – deıdi Rýslan Vladımırov, TsentrKredıt Bankiniń prezıdenti .
«Baılyq formýlasy» jas oqyrmandarǵa aqshany durys jumsap, qarjy maqsatyn qoıýdy jáne durys sheshim qabyldaýdy úıretedi. Kitapta kúndelikti ómirden alynǵan mysaldar arqyly shyǵyndy josparlaý, úlken satyp alýlarǵa qarajat jınaý jáne qajetti nárse men kózdiń jaýyn alǵan ótkinshi áýestikti ajyratý joldary qarapaıym túsindirilgen.
«Búginde balalar aqshamen biz oılaǵannan áldeqaıda erte betpe-bet keledi. Atap aıtsaq, mobıldi qosymsha arqyly saýda jasaıdy, syılyq alady, alǵashqy tıyn-tebenin jınaıdy. Sondyqtan olarǵa aqshanyń aınalymy men ony basqarýdyń qyr-syryn zeriktiretin qurǵaq formýlasyz, qarapaıym ári uǵynyqty túrde túsindiretin eńbek jazǵym keldi. Bastamaǵa qoldaý bildirgen TsentrKredıt Banki ujymyna rızashylyǵym sheksiz. Osy qoldaýdyń arqasynda kitabymyz elimizdiń túkpir-túkpirindegi myńdaǵan jas oqyrmannyń qolyna tıip jatyr», – deıdi kitap avtory Laýra Baıjarasova.
TsentrKredıt Banki qarjy saýattylyǵyn arttyratyn jobalarǵa árqashan qoldaý bildirip, bul baǵyttaǵy paıdaly materıaldardy óz resýrstarynda turaqty jarııalap keledi. Al «Baılyq formýlasy» kitaby osy ıgi istiń jas oqyrmandarǵa arnalǵan jalǵasy bolmaq.
QNRDA 05.08.2026 jyly bergen № 1.1.856.145 ámbebap bank lıtsenzııasy.