Tsement tsehyndaǵy jarylys: Túrkistan oblysy polıtsııa departamenti tergeýdi bastady
Túlkibas aýdanyndaǵy tsement tsehynda bolǵan jarylysqa qatysty tergeý bastaldy, dep habarlaıdy Kazinform.
Túrkistan oblysynda tsement zaýytyndaǵy jarylystan 52 jastaǵy jumysshy mert boldy.
Atalǵan fakt QR QK-niń 156-baby 3-bóligi «Eńbekti qorǵaý erejelerin buzý» boıynsha tirkeldi. Qylmystyq is aıasynda birqatar tıisti saraptamalar da taǵaıyndaldy. Qazirgi tańda sotqa deıingi tergeý júrgizilýde.
«Bolǵan oqıǵanyń barlyq mán-jaıy anyqtalýda. Atalǵan jaǵdaı boıynsha tergeý Túrkistan oblysy polıtsııa departamentiniń basshylyǵynyń baqylaýynda» - dedi Túrkistan oblysy polıtsııa departamenti bastyǵynyń orynbasary Asyljan Qaldarbekov.
Aıta keteıik, tsement zaýyttaǵy jarylystan 1971 jylǵy naýqas qaıtys boldy. Al, qazir jansaqtaý bóliminde eki adam emdelip jatyr. Onyń biriniń denesin 100 paıyz kúıik shalǵan. Al, ekinshi adamnyń denesi 70-75 paıyzǵa kúıgen.
