Tseftrıakson ınektsııasy saldarynan qaza bolǵan patsıent isi boıynsha sot úkimi shyqty
TARAZ. KAZINFORM – Taraz qalasynyń №2 soty protsedýralyq kabınette antıbıotık salǵannan keıin patsıenttiń qaza bolýyna baılanysty qylmystyq is boıynsha úkim shyǵardy.
Sottyń málimetinshe, aıyptalýshy 2016 jyly Taraz qalasynda ınvazıvti medıtsınalyq aralasý (kók tamyr ishine jáne bulshyqet ishine ınektsııalar) jasaıtyn protsedýralyq kabınet ashqan. Alaıda onyń mundaı qyzmetpen aınalysýǵa zańdy quqyǵy bolmaǵan.
— 2025 jyldyń aqpanynda osy protsedýralyq kabınette jumys isteıtin medbıke ekinshi aıyptalýshy Aıyptalýshy patsıentke «Tseftrıakson» dárilik preparatynyń bulshyqet ishine ınektsııasyn salǵan. Sonyń saldarynan anafılaktıkalyq shok bolǵan. Saldarynan patsıent qalalyq kópbeıindi aýrýhanada kóz jumdy, — dep málimdedi sot.
Aıyptalýshylardyń kinási jábirlenýshiniń, kýágerlerdiń, sarapshylardyń aıǵaqtarymen, sondaı-aq sot-medıtsınalyq saraptamalardyń qorytyndylarymen dáleldendi.
Aıyptalýshy óz kinásin moıyndaǵan joq jáne sottan ózin aqtaýdy surady. Al ekinshi aıyptalýshy kinásin tolyq moıyndady.
Sot sottalýshynyń kámelet jasyna tolmaǵan balalarynyń bolýyn, al ekinshi aıyptalýshynyń óziniń kinásin moıyndaýyn, jasaǵan isine ókinish bildirýin, buryn sotty bolmaǵanyn jáne oń qyrynan sıpattalýyn jazany jeńildetetin mán-jaılar retinde tanydy.
Sot aıyptalýshyny kináli dep tanyp, oǵan 2 jyl 6 aı merzimge bas bostandyǵyn shekteý jazasyn taǵaıyndady. Sonymen qatar, oǵan 3 jyl ınektsııalyq terapııa salasynda jeke kásipkerlikpen aınalysýǵa tyıym salyndy. Jábirlenýshi taraptyń paıdasyna 5 mıllıon teńge moraldyq shyǵyn jáne 1,2 mıllıon teńge materıaldyq shyǵyn óndirip alyndy.
Ekinshi aıyptalýshy kináli dep tanyldy: sot ony 1 jyl merzimge bas bostandyǵyn shekteý jazasyna kesken, alaıda «Raqymshylyq týraly» zańǵa sáıkes jazadan bosatyldy. Oǵan da 3 jyl boıy ınektsııalyq terapııa salasynda jumys isteýge tyıym salyndy. Jábirlenýshiniń paıdasyna 5 mıllıon teńge moraldyq shyǵyn jáne 500 myń teńgeden astam materıaldyq ótemaqy óndirý týraly sheshim qabyldandy.
Aıta ketelik «Elge kómek» qorynyń soty: prokýror Sarıevke 6 jyl jaza suraǵan edi.