Talǵar tragedııasy: TSARKA bot arnalardyń shekten tys belsendiligin tirkedi

ASTANA. KAZINFORM – Kıbershabýyldardy taldaý jáne zertteý ortalyǵy apta basynan beri áleýmettik jeli qoldanýshylary Talǵardaǵy qaıǵyly oqıǵany shekten tys belsendi qyzyǵýshylyqpen talqylaǵanyn tirkegen. Tipti anomaldy ósim baıqalǵan. Bul týraly hakerlik kompanııa málim etti.

Atalmysh mańyzdy oqıǵaǵa qyzyǵýshylyqtyń artýyn bas paıdasyna sátti qoldanǵandar da bar.

Almaty men ózge qalalarda mıtıng bolyp jatyr degen maqamda jalǵan aqparat taratyp, qańtar oqıǵasy kezinde túsirilgen eski vıdeony montajdap, beıne taratqan.

Mundaı jarııalanymdar TikTok pen Instagram áleýmettik jelilerinde kóp taraǵan. Máselen, TikTok-ta akkaýnt ashylǵannan bastap úsh kúnniń ishinde 850 myń qaralym jınaǵan. Ol beınejazbada múlde bolmaǵan ereýil týraly jalǵan vıdeo bar.

— Akkaýnttar men pikirlerdi taldaý barysynda 50 000 jýyq robot bottar aldyn ala kelisý arqyly jumys jasaǵany ańǵarylǵan. Áleýmettik jelilerde kezdesetin vıdeo jazbalarǵa synı kózben qarap, derekkózin tekserýge shaqyramyz, — delingen habarlamada.

Eske salaıyq, 4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz.

Ashýly talǵarlyqtar jasóspirim ólimine baılanysty narazylyqqa shyqty.

Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.

12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

Sondaı-aq Bas prokýratýra qylmysty ashý úshin vedomstvoaralyq jedel-tergeý toby qurylǵanyn málimdedi.

15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.

Іshki ister mınıstrliginiń ókilderi BAQ qyzmetkerlerine Sherzat Bolat qaza tapqan jerde kameraǵa túsip qalǵan vıdeony kórsetti.

Jaqynda Sherzat Polattyń ólimine qatysty qylmystyq isti tergeý jyl sońyna deıin aıaqtalatyny aıtyldy.

Talǵar mańynda Sherzat Polattyń aǵasy óli tabyldy.

Sherzat Polattyń ákesi ustalyp, Qarjaýbaı Nurymov 15 táýlikke qamaldy.

Artynsha ústinen qylmystyq is qozǵaldy.