TsAHAL Lıvannan Izraılge 20 zymyran ushyrylǵanyn habarlady

ASTANA. KAZINFORM - Izraıl qorǵanys kúshteri (TsAHAL) Lıvannan 20-ǵa jýyq zymyran ushyrylǵanyn tirkedi, dep jazady TASS.

«Izraıldiń ortalyq bóliginde sırena daýysy estilgennen keıin Lıvannan bes zymyran kelgeni anyqtaldy. Zymyrandardyń kópshiligi qaǵyp túsirildi, bir snarıad adam turmaıtyn jerge qulaǵan. Batys Galıleıa men Golan bıikterinde (Izraıldiń soltústiginde) sırenalar estilgennen keıin Lıvannan 15-ke jýyq zymyran ushyrylǵany anyqtaldy. Olardyń keıbiri qaǵyp túsirilip, qalǵandary adam turmaıtyn jerge qulady», - dep habarlaıdy armııanyń baspasóz qyzmeti.

Baspasóz qyzmeti búginge deıingi shabýyl saldarynan zardap shekkender týraly aqparat tirkelmegenin atap ótti.

Buǵan deıin Tel-Avıv pen onyń tóńireginde, sondaı-aq eldiń soltústigindegi Joǵarǵy Galıleıa men Golan bıikterinde áýe shabýylynyń sırenalary iske qosylǵany habarlanǵan bolatyn.

Buǵan deıin Izraıl «Hezbollanyń» qarjy uıymdaryna soqqy bergenin habarlaǵan bolatynbyz.