TsAHAL «Hezbolla» jetekshisiniń óltirilgenin habarlady

ASTANA. KAZINFORM – Izraıl armııasy «Hezbolla» jetekshisi Hasan Nasrallanyń óltirilgenin habarlady, dep jazdy VVS. 

TsAHAL málimdemesinde bir kún buryn Izraıl áýe kúshteriniń jaýyngerleri Beırýttyń Dahıa aýdanyndaǵy turǵyn úıdiń astynda ornalasqan «Hezbollanyń» ortalyq shtab-páterine soqqy bergeni aıtylǵan. Soqqy toptyń joǵary qolbasshylyǵy shtabta bolǵan kezde jasaldy.

Óz kezeginde, «Hezbolla» uıym jetekshisiniń ólimin áli rastaǵan joq.

Aıta keteıik, buǵan deıin Izraıldiń «Hezbolla» shtabyna soqqysynan soń Iran Ulttyq qaýipsizdik keńesiniń shuǵyl otyrysyn shaqyrǵanyn jazǵan edik.