TsAHAL: Gazany tolyq basyp alý operatsııasy birneshe aıǵa sozylýy múmkin

ASTANA. KAZINFORM- Gaza qalasyn tolyq basyp alý úshin Izraıl áskerine birneshe aı qajet bolýy múmkin, taǵy birneshe aı aımaqty «tazartýǵa» ketedi. Bul málimetterdi Izraıl áskeriniń resmı ókili, brıgada generaly Efı Defrın málim etti, dep jazady reseılik TASS.

- Biz qalany tolyq basyp alýǵa birneshe aı ketetinin túsinemiz. Taǵy birneshe aı Gaza aýmaǵyndaǵy terrorıstik ınfraqurylymdy joıýǵa ketedi, - dedi ol brıfıng barysynda.

Defrın sonymen qatar áskerge ýaqyt boıynsha eshqandaı shekteý qoıylmaǵanyn aıtty.

- Biz urlanǵan azamattardy elge qaıtaryp, HAMAS rejımin joıý úshin qansha ýaqyt áreket etý qajet bolsa, sonsha ýaqyt jumys isteımiz,- dep qosty ol.

Osyǵan deıin Izraıl premer-mınıstri Bınıamın Netanıahý áskerdiń Gazaǵa aýqymdy qurlyqtyq shabýyl bastaǵanyn rastady. Onyń maqsaty – Gaza qalasyn tolyq baqylaýǵa alyp, onda qalǵan palestınalyq HAMAS radıkaldy qozǵalysynyń múshelerin tolyq joıý.

Osyǵan deıin EO Gazaǵa baılanysty Izraılmen saýda kelisimin toqtatýdy usynǵany týraly jazdyq.