Trıýk jasaǵan frantsýz darshysy 30 metrlik bıiktikten qulady
ASTANA. QazAqparat - 32 jastaǵy frantsýz darshysy Tankred Mele, Flying Frenchies akrobattar tobynyń negizin qalaýshy Frantsııanyń ońtústik shyǵysynda seısenbi kúni kúrdeli akrobatııalyq trıýk jasaý kezinde mert boldy, delingen ujymnyń Facebook-tegi paraqshasynda.
Akrobattar áýe sharynda jańa nómirmen jumys istep jatqanda shar kenetten bekitkishten ajyrap, aspanǵa kóterilgen. Mele 30 metr bıiktikten qulap, qaza tapty, dep habarlaıdy RIA Novostı.
Mele sporttyń ekstremaldy túrinen álemge tanymal bolǵan edi. Ol qurǵan Flying Frenchies tobynyń ǵalamtorǵa salynǵan trıýkteriniń vıdeolaryn san mıllıondaǵan adam kórgen.
