Trýls Korset «Astana» velokomandasyna aýysady
ASTANA. QazAqparat - Álemdik týrdyń «Astana» velokomandasy norvegııalyq sportshy Trýls Korsetpen kelisimshartqa qol qoıǵanyn jarııa etti, ol aldaǵy eki jyl qazaqstandyq joba quramynda óner kórsetedi, dep habarlady «Astananyń» baspasóz qyzmeti.
23 jastaǵy norvegııalyq sońǵy tórt jylda atynan shyqqan «Team Joker - Byggtorget» qurylyqtyq komandasynan «Astanaǵa» aýysady.
- Álemdik Týr deńgeıiniń kásibı mamany bolam dep únemi armandadym. 2017 jyly «Astana» komandasynyń arqasynda armanym shyndyqqa aınalmaq. Úlken jobaǵa qatysýdy usynyp, maǵan senim bildirdi, - dedi Trýls Korset.
2013 jyly Korset «Sırkýıt dez Ardenn» kóp kúndigi kezeńinde komandalyq jarysta jeńgen bolatyn, al 2014 jyly belgili «Dýo Normand» juptyq jarysynda jeńimpaz atandy. 2015 jylǵy maýsymda Trýls «Fınlıandııa týry» belgili klassıkasynyń jastar sanatynda jáne Norvegııa chempıonatynyń jeke jarysynda úshinshi keldi, sondaı-aq 23 jasqa deıingi jastar arasynda «Krono de Nasondy» utty.
Sońǵy maýsymda norvegııalyq «Týr Jıronda» kóp kúndik kezeńin utty.
- Taıaýda jasaqtalǵan komanda resmı tanystyrylǵanyna qaramastan, biz «Astana» quramasyn tolyqtyrýdy sheshtik. Bizde komandaǵa taǵy bir sportshyny shaqyrý múmkindigi paıda boldy, tańdaý jas norvegııalyq Trýls Korsetke tústi. Ol komandany klassıkalyq jarystarda kúsheıtedi dep úmittenemiz, - dedi bas menedjer Aleksandr Vınokýrov.
