Trotýarda balalardy qaǵyp kete jazdaǵan áıel jol erejesin taǵy buzdy
ALMATY. QazAqparat - Lexus tizgindegen əıel taǵy bir jol erejesin buzdy. Elvıra Qurabaevanyń sonymen qatar qaýipsizdik beldigin de taqpaǵany anyqtaldy, dep habarlaıdy QazAqparat tilshisi.
Osynyń aldynda bul əıel Tımırıazev kóshesiniń boıyndaǵy trotýarda júıtkitip, balalardy soǵyp kete jazdaǵan bolatyn.
"Almatydaǵy Tımırıazev kóshesinde trotýarmen júrgen Lexus kóligine qatysty kóliktiń júrgizýshisi anyqtaldy. Atalǵan derek boıynsha 2 əkimshilik hattama toltyryldy. QR ƏQK 596-babynyń bólimimen (jaıaý júrginshi joldarymen, trotýarmen júrý), QR ƏQK 593-baby 2 bólimimen (qaýipsizdik beldigin taqpaı aıdaý) boıynsha oǵan jalpy alǵanda 48100 teńge kóleminde aıyppul salyndy",- dedi QR ІІM resmı saýalǵa jaýabynda.
Sondaı-aq, Lexus júrgizýshisine qatysty Bostandyq aýdandyq ІІB-ne aryz qabyldandy.
Budan buryn Lexus tizgindegen əıeldiń jol erejesin óreskel buzǵanyn habarlaǵan bolatynbyz.
Feısbýk jelisinde jarııalanǵan vıdeo kópshiliktiń narazylyǵyn týǵyzdy. Vıdeoda áıel adamnyń trotýarmen júrip bara jatqany kórinedi. Júrgizýshi jolynda kishkentaı balalardy qaǵyp kete jazdady.
