Trolleıbýs júrgizýshisi 9 jasar balany qabaǵan ıtten qutqardy
ASTANA. QazAqparat - Bishkek meri Albek Ibraımov qabaǵan ıtten balany qutqaryp qalǵan trolleıbýs júrgizýshisi Melıs Kalmyrzaevty ataýly saǵatpen marapattady, dep habarlady KırTAG.
Oqıǵa 2016 jyly 30 naýryzda oryn aldy. №4 trolleıbýsynyń júrgizýshisi «Aq-Tilek» aýdanynda baǵdarsham mańynda úlken qara ıt, shamamen rotveıler, búldirshinniń aıaǵynan tistep ony jolmen súırep bara jatqanyn kórip qalǵan.
Júrgizýshi trolleıbýsty toqtatyp, kóp oılanbastan balany qutqarýǵa umtyldy. Artynsha oǵan kómekke jas jigitter kelip, toǵyz jasar balany qabaǵan ıtten arashap qaldy
Qazir japa shekken búldirshin Bishkektegi 3-shi balalar aýrýhanasyndaǵy travmatologııa bóliminde. Bas dáriger T.Ómirbekovtiń aıtýynsha, qazir balanyń jaǵdaıy qanaǵattanarlyqtaı.
