Tirkeýden ótýge 10 kún berildi: Astana prokýratýrasy eskertý jasady
ASTANA. KAZINFORM — Jyl basynan beri elordada tirkeýsiz turǵany úshin 41 906 adam jaýapkershilikke tartyldy.
Qazaqstan Respýblıkasynda tirkeýsiz ne jeke basyn kýálandyratyn qujattarsyz turý ákimshilik quqyq buzý.
— Jyl basynan beri elordada tirkeýsiz turǵany úshin 41 906 adam jaýapkershilikke tartyldy. Olardyń 533-i ákimshilik jaza qoldanylǵannan keıin bir jyl ishinde quqyq buzýshylyqty qaıtalap jasaǵan, — delingen Astana qalasy prokýratýrasy habarlamasynda.
Shetelden Qazaqstanǵa kelgen azamattar kelgen kúnnen bastap kúntizbelik 10 kún ishinde tirkelýge mindetti.
Prokýratýra elorda turǵyndaryn azamattardyń tirkeýsiz jáne qujattarsyz turýyna jol bermeýge shaqyrady. Sondaı-aq atalǵan talaptardy buzǵany úshin Ákimshilik quqyq buzýshylyq týraly kodekstiń 492-babyna sáıkes 20 AEK-ke deıingi aıyppul túrindegi ákimshilik jaýaptylyqtyń kózdelgenin eskertedi.
Aıta ketelik «Rezeńke páterler»: zańger páterge qansha adamdy tirkeýge bolatynyn túsindirgen edi.
