Trıpolıde Kaddafıdiń uly avıasoqqy kezinde qaza boldy
ASTANA. 8 tamyz. QazAqparat - Lıvııalyq kóshbasshy Mýamar Kaddafıdiń uldarynyń biri boljam boıynsha NATO kúshimen jasalǵan avıasoqqy kezinde qaza tapty,
dep habarlady juma kúni AFP kóterilisshiler ókili Mohammed Zaýaıǵa silteme jasap.
Onyń málimetteri boıynsha, NATO-nyń jumaǵa qaraǵan túni Trıpolıdiń shyǵysyna qaraı 150 shaqyrym jerdegi Zlıtan qalasyna jasaǵan shabýyly kezinde Hamıs ál-Kaddafı qaza boldy.
Zlıtanǵa shabýyldaý kezinde barlyǵy 32 adam mert boldy, dep qosty Zaýaı.
Eki nekeden Kaddafıdiń jeti uly bir qyzy bar. Buǵan deıin álemdik BAQ habarlaǵandaı, Kaddafıdiń uldarynyń biri - 29 jasar Saıf ál-Arab 1 mamyrǵa qaraǵan túni NATO-nyń Kaddafıdiń rezıdentsııasy ornalasqan Bab ál-Azızııa aýdanyna jasaǵan shabýyly kezinde qaza tapty. Onymen birge Kaddafıdiń úsh nemeresi: tórt aılyq Mastýra, eki jasar Saıf pen úsh jasar Kartago kóz jumdy.
