Trıatlonnan Qytaıdaǵy Azııa chempıonatyna qatysatyn qazaqstandyqtar belgili boldy
ASTANA. KAZINFORM – Qytaıdyń Sıýıchjoý qalasynda trıatlonnan Azııa chempıonaty ótedi. Qurlyq birinshiliginde sportshylar úsh jas sanaty boıynsha synǵa túsedi.
Jarysqa qatysýshylar «sýpersprınt» dıstsıplınasynda baq synap, eresekter, jasóspirimder jáne 15 jasqa deıingi sportshylar arasynda júldelerdi sarapqa salady.
World Triathlon halyqaralyq federatsııasynyń málimetine sáıkes, Qazaqstan quramasynyń aldyn ala tizimi tómendegideı:
Eresekter: Arlan Jańabaı, Temirlan Temirov, Daryn Qonysbaev, Egor Krýpıakov, Aleksandr Ten, Aıan Beısenbaev, Dıana Erjanova.
Jasóspirimder: Gor Depershmıdt, Ramazan Áınegov, Elaman Balabaev, Alham Murat, Kalerııa Shneıder, Alýa Nurmuhamet.
U15: Matveı Pavlov, Haıdar Ismaılbaev, Aıtýǵan Kúmikbaev, Aleksandr Sýhovolskıı, Altynaı Nurlanqyzy, ıAsmına Býzýrtanova.
Azııa chempıonaty 13-14 maýsym kúnderi ótedi.
Aıta ketelik Baıdarka men kanoede eskek esýden Azııa chempıonaty: Ulttyq quramanyń tizimi jarııalanǵan edi.
