Trıatlonnan Azııa kýbogyna qatysatyn sportshylardy tirkeý aıaqtaldy
ALMATY.QazAqparat - Almatyda 3-4 tamyzda Saıran kólinde ótetin trıatlonnan kásipqoılar men áýesqoılar arasyndaǵy ASTC Asian Cup halyqaralyq kýbogy týrnırine arnalǵan baspasóz konferentsııasy ótti, dep habarlaıdy QazAqparat tilshisi.
«Azııa Kýbogy» Almatyda ekinshi ret ótedi. Búgin kásibı mamandar men áýesqoılardy tirkeý jumysy aıaqtaldy. Kásibı-elıtalyq sanatqa 19 elden 46 er adam jáne 23 áıel adam qatysatynyn rastady, bul ótken jylmen salystyrǵanda kóp. Ekinshi kúni, ıaǵnı 4 tamyzda áýesqoılar arasyndaǵy «Temir adam» kýbogynyń 8-kezeńi bastalady. Barlyǵy 215 sportshy, onyń ishinde 182 sportshy jeke esepte jáne 10 estafetalyq komanda baq synaıdy. Qatysýshylarymyzdyń tizimine qarap, geografııanyń keńeıip kele jatqanyn baıqaýǵa bolady, olardyń arasynda tek Qazaqstan ǵana emes, sonymen qatar alys-jaqyn shetel sportshylary da bar», - dedi QTF marketıng dırektory Aqmaral Espenbetova.
Sondaı-aq, ol elimizdegi myqty sportshylardyń atyn atady.
«Qazaqstandyq trıatlon federatsııasynyń basty mindeti - bizdiń sportshylardy Tokıo-2020 Olımpıadasyna tartý. Arına Shýlgın, Aıan Bısenbaev jáne Daryn Qonysbaevtan úlken úmit kútemiz», - deıdi ol.
Sonymen qatar, federatsııa 5 halyqaralyq shara uıymdastyrdy. Jaqynda Nur-Sultan men Shymkent qalasynda Azııa kýbogyn ótkizdi.
Buǵanǵa deıin, Almatyda trıatlonnan Azııa kýbogy ótetin kúnderi birneshe kósheniń jabylatynyn habarlaǵan bolatynbyz.
