Trıatlonnan Azııa kýbogyna qatysatyn qazaqstandyq sportshylar belgili boldy
ALMATY. QazAqparat - Qazaqstannyń trıatlonnan bas bapkeri Dandybaı Álimbaev 4-5 tamyzda Almatyda ótetin Azııa kýbogyndaǵy bizdiń komandanyń quramy men mindeti jaıynda baıandady, dep habarlaıdy QazAqparat tilshisi.
Qurama tálimgeriniń aıtýynsha, trıatlonnan Azııa kýbogyna Qazaqstannan 8 er adam men 5 áıel qatysady. Olar: Ashraf Kamalova, Nadejda Bekmaǵanbetova, Anastasııa Avtýshko jáne Karına Shýlgına, sondaı-aq, Almaty quramasyna kandıdat qyz bar. Erler arasynda Aıan Beısenbaev, Daryn Qonysbaev, Semen Pıvovarov, Maksım Krıat, Temirlan Temirov, Meıirlan Ysqaqov, Aleksandr Artýshko jáne Sanjar Kosarev bolady.
Bas bapkerdiń aıtýynsha, bizdiń komandalar bul jarysty daıyndyqtyń kezekti kezeńi retinde qarastyrady. ıAǵnı sportshylardyń qazirgi deńgeıin anyqtaý úshin mańyzdy bolyp sanalady. Ásirese Olımpıada oıyndaryna túsýge qajet bolatyn jeke álemdik reıtıng esebine reıtıngtik halyqaralyq upaılardy jınaý úshin qajet.
Almatydaǵy Azııa kýbogy qurlyqtyq Azııa kýbogy dárejesine ıe bolǵandyqtan, qatysýshylar arasynda tek Azııa elderi ǵana emes, sondaı-aq, Eýropa sportshylary da bar.
Bul starttyń álemdik reıtıngte upaı jınaýǵa múmkindik beretini anyq. Almatydaǵy startta kásibı sportshylarda komandalyq esep bolmaıdy. Munda tek jeke eseptiń nátıjeleri shyǵarylady. Áýesqoılar qashyqtyqqa óz betterinshe nemese komanda quramynda shyǵa alady.
4 tamyzda 750 metr sprınt qashyqtyqta + 20 shaqyrym velo + 5 shaqyrym júgirýden jarys ótedi. Oǵan kásipqoı sportshylar qatysady. 16 elden 57 sportshy tirkelgen. 5 tamyzda kásipqoılar budan eki ese qashyqtyqta (1500 metr júzý + 40 shaqyrym velo + 1 shaqyrym júgirý) saıysqa túsetin bolady. Mundaı qashyqtyq tek Olımpıada oıyndarynda bolǵan. Buǵan 16 sportshy men 10 komanda (ár komandada 3 sportshydan) tirkeldi.
«Ózderińizge belgili, Olımpıada oıyndarynda telekórsetilimderge basymdyq beriledi. Qazirgi tańda osy jolǵy olımpıadalyq qashyqtyqty sprınterlik qashyqtyqqa deıin qysqartý máselesin qarastyryp otyrmyz. Sondyqtan kásibı atletter sprınterlik te, olımpıadalyq qashyqtyqta da jarysatyn bolady»,-dedi Qazaqstan trıatlon federatsııasynyń atqarýshy dırektory Asyljan Dostııarov.
Astanadaǵy kásipqoı atletterge arnalǵan Álem kýbogynda olımpıadalyq qashyqtyq bolsa, Almatydaǵy jarystar sprınterlik qashyqtyqta ótedi.
Azııa kýbogyn ótkizý orny retinde Almatydaǵy Saıran kóli tańdalǵan. Uıymdastyrýshylardyń aıtýynsha, kóldiń sýy halyqaralyq standarttarǵa saı kelip, arnaıy tekseristen ótkizildi. Sondaı-aq, dál qazir abattandyrý jumystary qolǵa alynǵan. Ákimdik jaǵajaıdaǵy qumdy aýystyryp, 60 oryndyq ornatqan, jańa ýrnalar qoıylǵan. Jol kóldiń shyǵys jaǵymen ótip, demalýshylar úshin ýaqytsha jabylady. Kórermen trıbýnalary kóldiń jaǵasyna ornatylady.
