Trıatlonnan Azııa chempıonatynda vengrııalyq sportshylar top jardy
ASTANA. QazAqparat - Astanada ótip jatqan trıatlonnan Astana Asian Cup 2017 - Azııa chempıonatynda vengrııalyq sportshylar kósh bastap tur, dep habarlaıdy «QazAqparat» HAA tilshisi.
Vengrııalyq trıatlonshy Janet Bragmaıer 1:05:07 kórsetkishimen birinshi bolsa, onyń otandasy Dorotı Petroý (01:08:02) ekinshi bolyp keldi. Úshinshi bolyp márege ýkraınalyq Anna Abdýlova (01:08:48) jetti. Qyrǵyzstandyq sportshy Valerııa Ývarova (01:14:38) tórtinshi orynǵa taban tirese, otandasymyz Anastasııa Avtýshko 01:15:12 nátıjesimen besinshi bolyp keldi.
Erler arasyndaǵy saıysta da vengrııalyq trıatlonshy Laslo Tarnaı úzdik dep tanyldy. Ekinshi oryndy da vengrııalyq Gerge Shaosh ıelendi. Úshinshi oryn avstralııalyq Marsel Velıngtonǵa berildi.
Uıymdastyrýshylardyń aıtýynsha, áıelder arasynda jáne erler arasyndaǵy Azııa chempıonatynyń júlde qoryna 15 myń AQSh dollarynan tigilgen. Trıatlonshylar 750 metr qashyqtyqty ózende júzip ótip, 20 shaqyrymdy velosıpedpen baǵyndyrǵan jáne sońǵy 5 shaqyrymdy júgirip ótken.
Astana Asian Cup 2017 sharasy Astana saıabaǵynyń jańa trıatlon alańynda ótip jatyr. 45 gektarǵa sozylatyn bul alańda júgirýge arnalǵan jolaqtar, jankúıerler men taqyryptyq shatyrlar jáne oıyn-saýyq aýmaǵy bar.
