Trıatlonnan Álem kýbogy: Erler arasyndaǵy saıysta júzý qashyqtyǵy qysqartyldy
ASTANA. QazAqparat - Astanada trıatlonnan erler arasyndaǵy Álem Kýbogy kezeńi bastaldy, dep habarlaıdy QazAqparat tilshisi.
Erler arasyndaǵy trıatlon saıysyna álemniń túrli elderinen kelgen 68 sportshy qatysady. Esil ózenindegi sý temperatýrasynyń tómendigine qaramastan, atletter 750 metr qashyqtyqty júzip ótedi.
Uıymdastyrýshylardyń aıtýynsha, negizgi júzý qashyqtyǵy 1,5 shaqyrym, biraq sý temperatýrasyna qatysty, qaýipsizdik maqsatynda bul qashyqtyq eki esege qysqardy.
Odan bólek, sportshylar velosıpedpen 40 shaqyrym júrip ótip, 10 shaqyrym júgiredi.
Buǵan deıin áıelder arasyndaǵy dýatlonnan Álem Kýbogynyń jeńimpazdary anyqtalǵan edi. Bastapqyda josparlanǵan áıelder trıatlony sý temperatýrasyna baılanysty dýatlonǵa aýystyryldy.
Jarys máresine alǵashqy bolyp frantsııalyq Sandra Dodı jetti. Ekinshi bolyp onyń otandasy Emıl Mýre kelse, ıtalııalyq Anjelıka Olmo úzdik úshtikti túıindedi. Qazaqstandyq sportshy Anastasııa Avtýshko jarystan shyǵýdy uıǵardy.
Astanada trıatlonnan Álem Kýbogy mamyrdyń 19-20 kúnderi ótedi. Oǵan qatysýǵa 38 memleketten 140 atlet ótinim berdi. Sportshylar standartty qashyqtyq boıynsha synǵa túsedi. ıAǵnı, 1500 metr - júzý, 40 shaqyrym - velokezeń jáne 10 shaqyrym - júgirý.
Sondaı-aq, búgin Trıatlon parkte balalar jarysy, kontserttik jáne oıyn-saýyq baǵdarlamalary ótedi.
20 mamyr kúni Qazaqstandaǵy trıatlon sportyn nasıhattaý men damytý maqsatynda Age Group (áýesqoılar) arasynda saıys bolady.
