Trıatlonnan Álem kýbogy: aýa raıyna baılanysty áıelder jarysy dýatlonǵa aýystyryldy
ASTANA. QazAqparat - Astanada áıelder arasyndaǵy dýatlonnan Álem Kýbogynyń jeńimpazdary anyqtaldy, dep habarlaıdy QazAqparat tilshisi.
Jeńimpazdar tuǵyry Frantsııa men Italııa sportshylaryna berildi. Jarys máresine alǵashqy bolyp frantsııalyq Sandra Dodı jetti. Ekinshi bolyp onyń otandasy Emıl Mýre kelse, ıtalııalyq Anjelıka Olmo úzdik úshtikti túıindedi. Qazaqstandyq sportshy Anastasııa Avtýshko jarystan shyǵýdy uıǵardy.
«Bul saıysqa jeńiske jetemin dep oılaǵan joqpyn. Bul men úshin tamasha tosynsyı boldy», - dedi jeńimpaz Sandra Dodı.
Atap ótken jón, bastapqyda josparlanǵan áıelder trıatlony sý temperatýrasynyń tómendigine baılanysty dýatlonǵa aýystyryldy.
Sportshylarǵa júzýdiń ornyna 5 shaqyrym qashyqtyqta júgirdi jáne velosıpedpen 40 shaqyrym júrip, taǵy 10 shaqyrym jaıaý júgirý mindetteldi.
«Biz úshin eń qıyny velosıped jarysy boldy, sebebi barlyq kúsh-qýat velosıpedke ketedi. Qazaqstannyń halqy óte qonaqjaı jáne sypaıy, maǵan barlyǵy unady», - dep sózin tolyqtyrdy Sandra Dodı.
Aıta keetıik, Astanada trıatlonnan Álem Kýbogy mamyrdyń 19-20 kúnderi ótedi. Oǵan qatysýǵa 38 memleketten 140 atlet ótinim berdi. Sportshylar standartty qashyqtyq boıynsha synǵa túsedi. ıAǵnı, 1500 metr - júzý, 40 shaqyrym - velokezeń jáne 10 shaqyrym - júgirý.
Sondaı-aq, búgin Trıatlon parkte balalar jarysy, kontserttik jáne oıyn-saýyq baǵdarlamalary ótedi.
20 mamyr kúni Qazaqstandaǵy trıatlon sportyn nasıhattaý men damytý maqsatynda Age Group (áýesqoılar) arasynda saıys bolady.
