Trıatlon: Temiradam Training jarysynyń birinshi kezeńi bastaldy
NUR-SULTAN. QazAqparat - Qazaqstan trıatlon federatsııasy TEMIRADAM Training jobasynyń birinshi legin búgin resmı túrde shyǵardy, dep habarlaıdy Olympic.kz.
Alǵashqy jattyǵý jarysy Qarqaraly tas jolynyń boıynda Qosshy aýylyna deıin ótti.
Dýatlon boıynsha tıisti dıstantsııany, naqtylap aıtqanda júgirý boıynsha 5 km, 2,5 km, velojarys boıynsha 20 km qashyqtyqty baǵyndyrdy. Doda barysynda barlyq tıisti sanıtarlyq normany saqtap, tórt sportshydan qatysty.
Aıta keterligi, trıatlon federatsııasy Ortalyq Azııany, atap aıtqanda Qyrǵyzstan men Ózbekstandy júrip ótetin aýqymy úlken jarys ótkizýdi josparlaǵan bolatyn. Shymkent-Tashkent dep atalatyn trıatlon jarysynyń birinshi kezeńi 11 sáýirde bastalýy tıis edi. Álemdik pandemııa jarys kúntizbesine ózgeris engizip, keıinge shegerildi.
