Treıderler EO-daǵy gaz baǵasynyń shektelýine baılanysty úlken shyǵyn týraly eskertti

BRıÝSSELЬ. QazAqparat – EO-daǵy gaz baǵasynyń shektelýi naryqqa 33 mıllıard dollar shyǵyn ákeledi. Bul týraly London ICE bırjasynyń ókilderi málimdedi, dep habarlaıdy QazAqparat menshikti tilshisi.

«Financial Times» gazeti energııa resýrstarynyń treıderleri qosymsha marjalyq tólemder alýy múmkin dep jazady.

Seısenbide Eýropalyq komıssııa gaz baǵasyn shekteý týraly usynysty jarııalady. Eger TTF hab ındeksi boıynsha MVt/saǵ baǵasy (EO naryǵynyń 80%-y úshin) eki apta qatarynan 275 eýrodan asyp ketse jáne suıytylǵan tabıǵı gazdyń (STG) álemdik baǵasynyń aıyrmashylyǵy 58 eýroǵa teń nemese odan assa, komıssııa gaz qunyn barynsha qymbattatýdy usynyp otyr.

Osyǵan oraı, EO-nyń jetekshi bırjalyq operatory, eger Brıýsseldiń negizgi eýropalyq etalondyq gaz baǵasyn shekteý jospary júzege asyrylsa, energııa resýrsy treıderleri marjalyq tólem túrinde qosymsha 33 mıllıard dollar tóleýi kerek ekenin eskertti.

Marja talaptarynyń aıtarlyqtaı ósýi «naryqty turaqsyzdandyrýy» múmkin, delingen ICE bırjasynyń jazbasynda.