Trenıngterde adamdy erkinen tys májbúrleý belgileri bolýy múmkin – Bas prokýror
ASTANA. KAZINFORM – Trenıngterde adamdy erkinen tys májbúrleý belgileri bolýy múmkin. Bul jaıynda Májilis depýtattarynyń saýalyna Bas prokýror Berik Asylovtyń jaýabynda aıtylǵan.
- Qazaqstan Prezıdentiniń tapsyrmasyna səıkes, azamattardyń sanasyna teris yqpal etetin, rýhanı-adamgershilik qundylyqtarǵa qaıshy keletin is-əreketterge qarsy júıeli sharalar qabyldanyp jatyr. Kóterilgen məsele aıasynda azamattardyń quqyqtaryn qorǵaý jəne psıhologııalyq qysym kórsetý faktilerine qarsy is-qımyl jasaý úshin qylmystyq, əkimshilik, azamattyq jəne salalyq zańnama normalary qoldanylady, - dedi Bas prokýror.
Degenmen, onyń aıtýynsha, qoldanystaǵy zańnamada trenıngtik kýrstar men jeke tulǵany damytý baǵdarlamalaryn retteýde júıeli quqyqtyq tetik joq. Demek, qysqa merzimdi trenıngterdi lıtsenzııalaý tərtibi belgilenbegen, qoldanylatyn psıhologııalyq ədisterge jəne úıretýshi-koýchtardyń biliktiligine qoıylatyn talaptar naqty reglamenttelmegen. Qatysýshylardyń quqyqtaryn qorǵaýdyń tıimdi tetikteri qalyptastyrylmaǵan.
- Atalǵan kýrstardaǵy əreketterde adamdy erkinen tys məjbúrleý, kópshilik aldynda qorlaý arqyly psıhologııalyq qysym kórsetý, jeke ómirge qol suǵý, tutynýshyǵa tolyq aqparat bermeý, sondaı-aq shartta kózdelgen mindettemelerdi oryndamaý belgileri bolýy múmkin. Búginde tutynýshylardyń quqyqtaryn qorǵaýdy kúsheıtý jəne trenıng júrgizetin adamdardyń (koýchtardyń) adal qyzmet kórsetýin qamtamasyz etý maqsatynda Úkimet tarapynan «Tutynýshylardyń quqyqtaryn qorǵaý týraly» Zańǵa ózgerister men tolyqtyrýlar əzirlenip, Məjilistiń qaralýyna joldandy. Zańnamalyq norma qabyldanǵannan keıin trenıngtik qyzmettiń mazmunyna, ədistemelerine jəne zańnamaǵa səıkestigine tekserister júrgizilip, qorlaý, psıhologııalyq qysym kórsetý, məjbúrleý jəne manıpýlıatsııa jasaý belgileri bar əreketterge quqyqtyq baǵa beriledi, - dedi Berik Asylov.
Buǵan deıin Májilis depýtaty Amantaı Jarqynbek trenıngter azamattarymyzǵa psıhologııalyq jáne qarjylyq zııan keltirip otyrǵanyn aıtqan edi.