Trektegi velosporttan Qazaqstan quramasynyń aǵa jattyqtyrýshysy V. Karchın jol apatynda qaza boldy
ASTANA. 12 maýsym. QazAqparat - Trektegi velosporttan Qazaqstan quramasynyń aǵa jattyqtyrýshysy, 37 jastaǵy Valerıı Karchın Qapshaǵaı mańynda oryn alǵan jol apatynda mert boldy.
Bul týraly Almaty oblystyq ІІD baspasóz qyzmetine silteme jasap, Vesti.kz saıty jazdy.
Habarlanǵandaı, Nissan Pulsar kóliginiń júrgizýshisi basqarý tetigine ıe bola almaı, temir tulpar aýdarylyp, jana bastaǵan. V. Karchınmen birge taǵy eki er adam - Evgenıı Tsoı men Alekseı Serjantov ajal qushty.
Kólikte bolǵan Evgenıı Pýchnev túrli jaraqattarmen Qapshaǵaı qalalyq aýrýhanasyna jetkizildi. ІІD kóliktiń tizgininde otyrǵan adamdy anyqtaı almady.
