Trektegi velosporttan Azııa chempıonaty: Qazaqstandyq 2 medal ıelendi
ASTANA. QazAqparat - Indonezııada trektegi velosporttan Azııa chempıonaty aıaqtaldy. Jarystyń úsh túrine qatysqan «Astana» velokomandasynyń veloshabandozy qazaqstandyq Artem Zaharov eki medal - komandalyq jarystan «qola» jáne upaı boıynsha toptyq jarysta «kúmis» júlde jeńip aldy. Bul týraly QazAqparat velokomandanyń baspasóz qyzmetine silteme jasap habarlaıdy.
«Jalpy, jaqsy nátıje kórsetip, Azııa chempıonatynan eki medalmen oralmaqshymyn. Omnıýmda jolym bolmady. Qazir Azııada básekelestik óte joǵary, sportshylardyń deńgeıi de ósken. Tokıodaǵy Olımpıadaǵa daıyndyq jaqsy, jospar boıynsha jyljyp jatyrmyz», - dedi Artem Zaharov.
Artem Indonezııadan Aýstralııaǵa baryp, «Astana» velokomandasyndaǵy áriptesterine qosylady. Olar 15 qańtarda Týr Daýn Ander kópkúndik jarys jolyna shyǵady. Olımpıada oıynaryna irikteý aıasynda Artem 25-27 qańtar aralyǵynda Gonkongte ótetin Álem kýbogyna qatysady.
