Travmatologtar naýqastyń shabylyp qalǵan úsh saýsaǵyn qalpyna keltirdi

ASTANA. KAZINFORM — Akademık N. J. Batpenov atyndaǵy Ulttyq ǵylymı travmatologııa jáne ortopedııa ortalyǵynda 18 jastaǵy patsıenttiń sol qolynyń úsh saýsaǵyn transplantattaý boıynsha biregeı mıkrohırýrgııalyq operatsııa jasaldy. Bul týraly DSM baspasóz qyzmeti málim etti.

Jas jigit elektrlik aranyń kesirinen jazataıym oqıǵaǵa tap boldy.

9 saǵatqa sozylǵan operatsııa hırýrgtardan dáldik pen sheberlikti talap etti. Sońǵy operatsııalyq mıkroskopty qoldaný arqyly dárigerler bólingen saýsaqtardyń barlyq zaqymdalǵan tamyrlaryn, nervterin, sińirlerin jáne súıek qurylymdaryn qalpyna keltirdi. Bul elementterdiń shaǵyn kólemine jáne operatsııanyń joǵary kúrdeliligine qaramastan, barlyq dáneker tinder sátti biriktirildi.

«Bul operatsııa bizdiń ortalyqta kórsetiletin medıtsınalyq kómektiń eń joǵary deńgeıiniń jarqyn mysaly bolyp tabylady. Zamanaýı jabdyqty paıdalaný jáne bizdiń mamandardyń jınaqtalǵan tájirıbesi bizge eń qıyn jaǵdaılardy sátti sheshýge múmkindik beredi», — dep atap ótti Akademık N. J. Batpenov atyndaǵy UǴTOO mıkrohırýrgııa jáne qol jaraqaty bólimshesiniń meńgerýshisi Maqsut Ibraev.

Bıylǵy jyly bul ortalyqta jasalǵan qol saýsaqtarynyń ártúrli segmentterin qaıta transplantattaý boıynsha sátti operatsııa ekenin atap ótken jón. Barlyq aldyńǵy patsıentter transplantattalǵan saýsaqtardyń qyzmetin tolyǵymen qalpyna keltirdi.

Buǵan deıin habarlaǵanymyzdaı, Qyzylordada bir kúnde eki naýqasqa búırek transplantatsııa jasaldy.

Sondaı-aq Qazaqstanda organ transplantatsııasyn qajet etetinder sany kóbeıgeni habarlandy.