Travmatologııa pýnktiniń dárigerin urǵan: 26 jastaǵy qostanaılyq ustaldy

QOSTANAI. QazAqparat – Qostanaı oblysynda polıtseıler dárigerdi uryp, soqqan 26 jastaǵy jigitti ustady, dep habarlaıdy QazAqparat Qostanaı oblysy polıtsııa departamentiniń baspasóz qyzmetine silteme jasap.

«Polıtseıler Áýlıekól aýdanynyń turǵyny, 1995 jyly týǵan kúdiktini ustady», – dep habarlady polıtsııadan.

Esterińizge sala keteıik, buǵan deıin habarlanǵandaı, 3 mamyrda saǵat 23.50-de qalalyq aýrýhananyń travmatologııa pýnktine Qostanaıdyń 26 jastaǵy turǵyny kelip túsken. Er adamnyń bilegi tilingen. Tekserý kezinde ol ashýlanyp, ozbyr minez kórsetip, dárigerge dene jaraqatyn saldy . Polıtseıler kelgenge deıin naýqas qashyp ketken. Qazirgi ýaqytta polıtseıler «densaýlyqqa qasaqana aýyrlyǵy ortasha zııan keltirý» baby boıynsha sotqa deıingi tergeý júrgizip jatyr.