Travmatıkalyq qarýdy zańsyz saqtaǵandar úshin de jazany qataıtý qajet - N. Nyǵmatýlın

Búgin Parlament Májilisiniń jalpy otyrysynda «Іshki ister organdary týraly» zań jobasyn maquldaý barysynda Palata spıkeri Nurlan Nyǵmatýlın osylaı málimdedi.

Jıyn barysynda talqylanyp otyrǵan zań jobasynyń mańyzdylyǵyna toqtala kele, Májilis Tóraǵasy qarýǵa, ony saqtaýǵa qatysty máselelerge erekshe nazar aýdardy. «Bul másele qyzý talqylandy, múddeli taraptar qatysty. Osy bıznes boıynsha da múmkindiginshe ashyq áńgime quryldy. Eshkim de bıznesti qyspaqtap otyrǵan joq. Degenmen, mundaǵy áńgime olar tek travmatıkalyq qarý-jaraq satýmen ǵana aınalysatyndaı bolyp otyr. Al ańshylyq qarýlardy, qysqa uńǵyly, gaz qarýlaryn qaıda qoıamyz? Óıtkeni, travmatıkalyq qarýdyń úlesi shamaly. Taǵy bir basty másele: sosyn ne bolady? Biz basqa elderde ne bolyp jatqanyn jaqsy bilemiz. Buny «jyn qumyradan shyqty» dep te aıtyp júr, alaıda endi sol qumyraǵa qalaı jaqyndaý kerektigin bilmeı otyrǵan elder de barshylyq», - dedi Nurlan Nyǵmatýlın.

Sondyqtan da spıker, qazaqstannyń sol jolmen júrýine bolmaıtynyn eskertti. Onyń aıtýynsha, statıstıka tek 100-diń 19-ynda ǵana travmatıkalyq qarýdyń qorǵaný maqsatynda qoldanylatynyn kórsetken. Kerisinshe, myńdaǵan jaǵdaılarda travmatıkalyq qarý qaraqshylyq shabýylda, azamattardyń ómirine qaýip tóndire otyryp, qoldanylǵan.

«Logıkalyq turǵydan travmatıkalyq qarýdy zańsyz saqtaǵany úshin jazany qataıtý jolynda toqtalyp qalmaýymyz kerek dep sanaımyn», - dedi Májilis Tóraǵasy