Travmatıkalyq qarý da ajal qushtyrýy múmkin - Májilis Tóraǵasy
ASTANA. 29 mamyr. QazAqparat - Májiliste ótip jatqan «Travmatıkalyq qarý: zańnamalyq retteý máseleleri» taqyrybyndaǵy «Dóńgelek ústel» otyrysynda azamattyq jaýapkershilik basty nazarda boldy.
Basqosýda tek qarýdy qoldanǵan adam ǵana emes, sol qarýdy satqan adam da jaýap berýge tıis ekendigi aıtyldy.
- Travmatıkalyq qarý da ajal qushtyrýy múmkin. Árbir azamat óziniń is-áreketine tolyqtaı jaýapkershilikti óz moınyna alýǵa tıis, - dep atap ótti Májilis Tóraǵasy Nurlan Nyǵmatýlın.
«Dóńgelek ústelge» qatysýshylar sondaı-aq, árqashanda birinshi kezekte, jalpyǵa ortaq adamı qundylyqtar turýy kerektigin basa aıtty.
