Trassadaǵy qutqarý beketteriniń jumysy syn kótermeıdi - Eljan Birtanov
«Trassadaǵy medıtsınalyq-qutqarý beketteri densaýlyq saqtaý qurylymyna, oblystyq densaýlyq saqtaý basqarmalaryna berilýi tıis dep esepteımiz. Mundaǵy qarjylandyrýdy óz moınymyzǵa alamyz. ıAǵnı, oblystyq jedel járdem stantsııasy qurylymynda olardy qarjylandyrýǵa ázirmiz. Biraq, keı óńirler qarsy shyqty. Meniń oıymsha, olar qarjylandyrý bolmaǵandyqtan qarsy bolyp otyr», - dedi E. Birtanov elordada mınıstrlik alqasynyń keńeıtilgen otyrysynda.
Osyǵan baılanysty E. Birtanov vıtse-mınıstrge qarjylandyrý boıynsha Áleýmettik medıtsınalyq saqtandyrý qorymen birlesip jumys isteýdi tapsyrdy.
«Kún saıyn adamdardyń jol apatynan zardap shekkeni týraly aqparat túsedi. Arasynda ajal qushqandary da bar. Barlyq jerde jedel járdem jumys istep júr. Trassadaǵy qutqarý beketiniń kómek kórsetkenin estimeppin. Eń aldymen jedel járdem brıgadasynyń belgili bir ýaqytta jetkenin kórsetedi, olardyń jyldamdyqtary jaman emes», - dedi ol.
Sondaı-aq, mınıstr trassadaǵy medıtsınalyq-qutqarý beketterine barǵanyn aıtty.
«Qutqarý beketi degen aty ǵana bar. Meniń ondaǵy kórgenim - naǵyz degradatsııa. Kólikteri qıraǵan, mamandary álsiz, tipti aýrýdy basatyn jáne áseri kúshti preparattarǵa lıtsenzııasy joq. Shokqa qarsy sharany qalaı jasaıtyndary túsiniksiz. Sondyqtan, bul qyzmetti qolǵa alý qajet», - dedi E. Birtanov.
Buǵan deıin mınıstr ana ólimi kóbeıgen óńirlerdi synǵa alǵan bolatyn.