Transulttyq qylmystyq topqa múshe qazaqstandyq Reseıde ustaldy
NUR-SULTAN. QazAqparat – Qazaqstanda zańsyz oıyn bıznesin uıymdastyrdy degen kúdikpen elimizdiń turǵyny Reseıdiń Máskeý oblysynan ustaldy, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Baspasóz qyzmetiniń habarlaýynsha, Qazaqstanda zańsyz oıyn bıznesin uıymdastyrýshyǵa izdeý jarııalanǵan. Ol transulttyq uıymdasqan qylmystyq toptyń ókili bolǵan jáne ol Máskeý oblysynyń Hımkı qalasynda qolǵa tústi.
Osyǵan baılanysty 2013-2018 jyldar aralyǵynda Reseı men Qazaqstan azamattarynan quralǵan top býkmekerlik keńse retinde jumys istep jatqan syńaı tanytyp, zańsyz oıyn bıznesin – elektrondy kazıno uıymdastyrǵan.
39 jastaǵy er adam quqyq qorǵaý organdarynan jasyrynyp, 2019 jyldan beri izdeýde júrgen.
Oǵan qazir transulttyq uıymdasqan qylmystyq topty basqardy nemese degen aıyp taǵylyp otyr.
Qazirgi tańda ustalǵan adam Reseı Federatsııasy Hımkı qalasynyń ýaqytsha ustaý ızolıatorynda jatyr. Ony Qazaqstanǵa ekstradıtsııalaý máselesi qaralýda.
«Elordanyń tártip saqshylary jede-izdestirý jumystaryn júrgizdi. Onyń barysynda 24 qylmysker qolǵa túsip, iz-túzsiz ketken 17 adam anyqtaldy. Qazaqstan aýmaǵynan tys jerde izdeýde júrgen eki qylysker ustaldy»,-delingen Polıtsııa departamentiniń baspasóz qyzmeti taratqan aqparatta.
