Transulttyq kompanııalarǵa qatysty birqatar salyq jáne kedendik jeńildikter engizý usynyldy - Á.Isekeshev
«Jobalardy tabysty júzege asyrýda jáne iri transulttyq kompanııalardyń jumysyn saqtap qalý úshin ınvestorlarǵa beriletin jeńildik rejimin saqtap qalý kerek. Osyǵan baılanysty, ınvestıtsııalanyp jatqan joba aıasynda paıdalanyp jatqan shıkizattar, materıaldar ımporty barysynda jańa salyqtyq, kedendik jeńildikter jasalǵany abzal», - dedi Á.Isekeshev.
Budan ózge, ol óńdeýshi ónerkásipti odan ári damytý úshin ásirese álemdik naryqtardaǵy jaǵdaıdy ózgertý aıasynda, onyń ishinde kórshiles elderde biregeı tehnologııalarǵa qoljetimdiliktiń mańyzy zor ekenin aıtyp ótti.
«Bul turǵyda basym baǵyttar men salalar boıynsha Renault-Nissan, Shevron, LG, aAirbus, IBM, Microsoft sııaqty jáne taǵy basqa halyqaralyq kompanııalarmen kelissózder júrgizilýde, sondaı-aq basym baǵyttar boıynsha áleýetti seriktester izdeý júrip jatyr. Qazirgi ýaqytta kelissózder júrgizilýde, 20-dan astam transulttyq korporatsııamen kelissózder aıaqtaldy», - dep málimdedi mınıstr. «Qazaqstannyń ındýstrıaldy-ınnovatsııalyq saıasaty máseleleri boıynsha zańnamasyna ózgertýler men tolyqtyrýlar engizý týraly» zań jobasy Memleket basshysynyń 5 ınstıtýtsıonaldyq reformasyn júzege asyrý boıynsha «100 naqty qadam» Ult josparynyń 55,56,57,59,63,86 qadamyn júzege asyrýǵa baǵyttalǵan jáne áldeqaıda jaǵymdy ınvestıtsııalyq ahýal jasaý, energııa servıstik qyzmetter naryǵyn damytý, Qazaqstandaǵy týrızm ındýstrııasyn odan ári júıeli damytý, naqty óndiristik jobalardy júzege asyrý úshin jergilikti jáne sheteldik joǵary tehnologııaly kompanııalardy tartý, ınnovatsııalyq klasterlerdi damytý maqsatynda jasalǵan. Zań jobasynda 3 kodekske, 6 Zańǵa túzetýler engizý qarastyrylǵan.
