Transulttyq uıymdasqan toptyń jetekshisi Polshadan ekstradıtsııalandy
ASTANA. KAZINFORM - Búgin Bas prokýratýra men Іshki ister mınıstrliginiń qyzmetkerleri Qazaqstannyń Polshadaǵy Elshiliginiń kómegimen Polsha Respýblıkasynan transulttyq uıymdasqan topty qurý jáne basqarý úshin qylmystyq jaýapkershilikke tartý maqsatynda Ýkraına azamatyn ekstradıtsııalady. Bul týraly Bas prokýratýranyń baspasóz qyzmeti málim etti.
«Ol 2022 jyly qurǵan qylmystyq top Qazaqstan aýmaǵynda asa iri kólemde psıhotroptyq zattardy óndirýmen jáne satýmen aınalysqan» — delingen habarlamada.
Bas prokýratýranyń málimetinshe, tárkilengen zańsyz zattardyń kólemi 1 tonnadan asady, al olardyń zańsyz aınalymdaǵy jalpy quny 1,5 mlrd teńgeni quraǵan.
«Kórsetilgen qylmystardy jasaǵannan keıin uıymdasqan top músheleri quryqtaldy, al onyń jetekshisi jasyrynyp, oǵan halyqaralyq izdestirý jarııalanǵan. 2023 jyldyń tamyz aıynda kúdikti Polshanyń aýmaǵynda ustaldy. Qazaqstan Respýblıkasy Bas prokýratýrasynyń suraýy boıynsha ol ekstradıtsııalanyp, qazirgi ýaqytta Astana qalasynyń tergeý ızolıatoryna qamaldy» - dep jazdy Bas prokýratýranyń baspasóz qyzmeti.
Aıyptalǵan qylmystardy jasaǵany úshin múlki tárkilenip, on bes jyldan jıyrma jylǵa deıingi merzimge bas bostandyǵynan aıyrý ne ómir boıyna bas bostandyǵynan aıyrý túrindegi jaza kózdelgen.
