«Transtelekom» basshysy bıýdjet qarjysyn qalaı urlady
Resmı málimetke sáıkes, «Transtelekom» AQ Atyraý oblystyq fılıalynyń basqarýshy dırektory Rýslan Cherdabaev birneshe ret jalǵan aktilerge qol qoıǵan. Oǵan qosa, arnaıy tehnıkany jalǵa berý sharttary men issapar shyǵystaryn asyra kórsetý, sondaı-aq, janar-jaǵarmaıdy zańsyz shyǵysqa shyǵarý arqyly jalpy somasy 3,2 mıllıon teńge kóleminde bıýdjet qarajatyn jamqyrdy degen kúdik bar. Cherdabaev onymen qoımaı, óz sybaılastarymen magıstraldik kabeldi qorǵaýǵa arnalǵan 5,9 mıllıon teńgeni úptep ketpekshi bolǵan. Biraq Atyraý oblysy boıynsha Sybaılas jemqorlyqqa qarsy qyzmet mamandary atalǵan qylmystyq jospardy der kezinde áshkereledi.
«Ol aqshany Cherdabaev magıstraldik jeliler bóliminiń basshysy Qabdyjálelovpen sóz baılasyp, qyzmetter kórsetý boıynsha jalǵan shartty toltyrý arqyly urlaýdy josparlaǵan bolatyn. Qazirgi tańda sot sanktsııasymen Cherdabaev úıqamaqqa alyndy. Al Qabdyjálelov óz kinásin moıyndaýyna baılanysty ustalǵan joq», - deıdi agenttiktiń resmı ókili Nurjan Jaxın.
«Transtelekom» AQ-synyń quryltaıshysy - «Qazaqstan temirjoly» ulttyq kompanııasy.
Aıta keteıik, buǵan deıin QR Memlekettik qyzmet isteri jáne sybaılas jemqorlyqqa qarsy is-qımyl agenttigi bólim basshysyn 1,7 mln teńgemen ustaǵany týraly vıdeony jarııalaǵan bolatyn.
Qaraǵandy oblysy boıynsha sot saraptamasy ınstıtýtynyń basshylyǵy patologanatomdyq qyzmetke zańsyz jarnama jasap, sol úshin júıeli túrde para alyp kelgen.