Transplantatsııa - tek medıtsına máselesi emes, qoǵamnyń ortaq problemasy – ıÝrıı Pıa

ASTANA. KAZINFORM – Elimizde orta eseppen alǵanda 1 mıllıon adamǵa keminde 10 transplantatsııa qajet. Aǵza transplantatsııasy týraly tolyǵyraq «University Medical Center» korporatıvtik qorynyń basqarma tóraǵas, medıtsına ǵylymynyń doktory ıÝrıı Pıa aıtyp berdi.

- Biz bul baǵdarlamany 2012 jyly engizdik, bıyl 13 jyl boldy. Al jalpy qajettilikti alyp qarasaq, Qazaqstanda shamamen 20 mıllıon halyq bolsa, ortasha eseppen alǵanda 1 mıllıon adamǵa keminde 10 transplantatsııa qajet. Árıne, 13 jyl ishinde jasalǵan operatsııalar sany az, biraq ár sannyń artynda adamnyń ómiri tur. Júrek transplantatsııasynyń júzinshi otasy jasaldy, júzinshi adam ómir súrýge múmkindik aldy. Bul biz úshin sımvoldyq san, óıtkeni biz jańa júıe jasap shyǵardyq. Bul – otandyq ázirleme, onyń kómegimen Qazaqstannyń kez kelgen óńirinen basqa aımaǵyna donorlyq aǵzany jetkizýge bolady. Biz bul ınnovatsııany maqtan tutamyz, - dedi ıÝrıı Pıa «Qazaqstandaǵy 100-shi júrek transplantatsııasy» forýmy barysynda BAQ ókilderine suhbat bere turyp. 

Onyń aıtýynsha, elimizde 13 jyldyń ishinde aǵzany transplantatsııalaý túsinigi ózgerdi. 

- Transplantatsııa tek medıtsına qyzmetkerleriniń máselesi emes, búkil qoǵamnyń ortaq problemasy. ıAǵnı, bul tek medıtsınalyq nemese hırýrgııalyq operatsııa ǵana emes, sonymen qatar oǵan sanıtarlyq avıatsııa, polıtsııa (kólik quraldaryn alyp júrý), taǵy sol sııaqty qyzmetter qatysady. Bir ǵana júrek transplantatsııasy protsedýrasyna kem degende 5 túrli mınıstrlik pen 100-den astam maman jumyldyrylady. Árıne 100 ota kóp emes, biraq bul osy saladaǵy problemany túsiný turǵysynan mańyzdy kórsetkish, osy baǵyttyń damýyna qajetti serpilis, - deıdi ol. 

Aıta ketsek, búgin elordada «Qazaqstandaǵy 100-shi júrek transplantatsııasy» forýmy ótti. Atalǵan is-shara elimizde júzinshi ret júrek aýystyrý otasyna oraı uıymdastyryldy, oǵan Densaýlyq saqtaý mınıstri Aqmaral Álnazarova bastaǵan sala mamandary men óńirlik vedomstvolardyń ókilderi qatysty. 

Forým sońynda aǵza transplantatsııasy salasyna eńbegi sińgen jáne erekshe kózge túsken jandar marapattaldy. 

Aıta ketsek, elimizde transplantatsııa jasalatyn organ arnaıy qurylǵyda saqtalmaqshy.