Transplantatsııa jasatqan naýqastarǵa qajetti dári-dármek jetkizildi – DSM
«2021 jylǵy 16 sáýirdegi jaǵdaı boıynsha «Sandımmýn Neoral, 25 mg kapsýla» biregeı dárilik zatty jetkizý máselesi pysyqtaldy. Dárilik zat 20-21 sáýirde Almaty qalasyndaǵy Biryńǵaı dıstrıbıýtordyń qoımasyna kelip túsedi jáne óńirlerdiń densaýlyq saqtaý basqarmalarynyń tártipterine sáıkes jedel túrde elimizdiń barlyq medıtsınalyq uıymdaryna jóneltiletin bolady. Transplantatsııadan keıin naýqastardy dári-dármekpen qamtamasyz etý máselesi QR Densaýlyq saqtaý mınıstrligi basshylyǵynyń erekshe baqylaýynda», - deligen vedomstvo taratqan aqparatta.
Mınıstrlik aýtoımmýndy aýrýlary jáne ımmýn tapshylyǵy bar patsıentterdi «Qalypty adam ımmýnoglobýlıni G» preparatymen qamtamasyz etý máselesi sheshilgenin atap ótedi. «SQ-Farmatsııa» JShS «Gammanorm» saýda ataýymen túpnusqalyq preparattyń jyldyq kólemin satyp alǵan. Satyp alynǵan preparattyń birinshi partııasy Biryńǵaı dıstrıbıýtordyń qoımalaryna kelip tústi jáne jasalǵan sharttarǵa sáıkes eldiń medıtsınalyq uıymdaryna jóneltiledi.
Sondaı-aq, búgingi kúni «Qant dıabeti» dıagnozy bar balalar úshin ınsýlın pompalaryna jıyntyqtar men shyǵys materıaldaryn satyp alý qamtamasyz etildi.
