«Transparency» uıymy FIFA basshysy Blatterdiń otstavkaǵa ketý kerektigin málimdedi
ASTANA. QazAqparat - «Transparency International» halyqaralyq uıymy Halyqaralyq fýtbol federatsııasynyń prezıdenti Zepp Blatterdi uıymda shyqqan jemqorlyq daýyna baılanysty otstavkaǵa ketýge shaqyrdy, dep habarlady «VVS» agenttigi.
Baspasóz habarlamasynda uıym bolǵan oqıǵaǵa Blatterdi kinálap otyr. «Transparency International» ókilderiniń sózine qaraǵanda, FIFA olardyq jemqorlyqpen kúres boıynsha barlyq usynystaryn elemegen.
Osyǵan baılanysty Blatter 20 jylǵa jýyq otyrǵan federatsııa basshysy qyzmetin bosatýy tıis, delingen baspasóz habarlamada.
Juma kúnine josparlanǵan jańa prezıdentti saılaý sharasy keıinge shegerilýi kerek, dep esepteıdi Transparency International.
Buǵan deıin habarlanǵandaı, Shveıtsarııanyń federaldy polıtsııasy Tsıýrıhte FIFA alty sheneýnigin qamaýǵa alǵan. AQSh olardy ekstradıtsııalaýdy talap etip otyr. Ustalǵandarǵa elektrondy aýdarym arqyly aqsha jymqyrdy, bopsalaýshylyq jáne alaıaqtyq áreketke bardy degen aıyp taǵyldy.
