Transmaılar: ónimderdi tańdaý kezinde nege nazar aýdarý kerek
ACTANA. KAZINFORM - Transmaılar – keıbir taǵam ónimderiniń quramynda kezdesýi múmkin maı qyshqyldarynyń bir túri. Ónerkásiptik transmaılardyń negizgi kózderiniń biri – ishinara gıdrogendelgen ósimdik maılary.
Olar margarınniń keıbir túrleriniń, spredterdiń, aspazdyq jáne basqa da maı ónimderiniń quramynda bolýy múmkin, dep habarlaıdy QR DSM Sanıtarlyq-epıdemıologııalyq baqylaý komıteti.
Ónerkásiptik transmaılardy tutynýdy qalaı azaıtýǵa bolady?
Sanıtarııalyq-epıdemıologııalyq baqylaý komıteti halyqqa mynadaı usynymdar beredi:
· Satyp almas buryn maı ónimderiniń tańbasy men quramyn muqııat zerdeleńiz.
· Ónim quramynda ishinara gıdrogendelgen ósimdik maılarynyń bar-joǵyna nazar aýdaryńyz.
· Quramynda qanyqpaǵan maı qyshqyldary bar ónimderge basymdyq berińiz.
· Taǵam daıyndaý úshin quramynda qanyqpaǵan maı qyshqyldary kóp ósimdik maılaryn tańdańyz.
· Quramynda ónerkásiptik transmaılar bar ónimderdi tutynýdy shekteńiz.
Dúnıejúzilik densaýlyq saqtaý uıymynyń usynymdaryna sáıkes, transmaı qyshqyldaryn jalpy tutyný táýliktik ratsıonnyń energetıkalyq qundylyǵynyń 1%-ynan aspaýy tıis. Bul táýligine 2000 kkal mólsherindegi ratsıon kezinde 2,2 gramnan az transmaı tutynýǵa sáıkes keledi. Ónerkásiptik transmaılardy tamaqtaný ratsıonynan tolyǵymen alyp tastaý usynylady.
-Taǵam ónimderiniń quramyn muqııat zerdeleý jáne ónimderdi sanaly túrde tańdaý – durys tamaqtaný mádenıetin qalyptastyrý men tamaq ónimderiniń qaýipsizdigin qamtamasyz etýdiń mańyzdy quramdas bólikteri,-delingen habarlamada.
Osyǵan deıin súıikti táttilerdegi transmaı mólsheri jańa standartpen anyqtalatyny ýraly jazdyq.
