Transqazaqstandyq temirjol dálizin damytý: aýqymdy 3 joba júzege asady

ASTANA. KAZINFORM — Transqazaqstandyq temirjol dálizin damytý jumystary aıasynda aýqymdy 3 joba júzege asady. Bul týraly QR Kólik mınıstrligi Temirjol jáne sý kóligi komıtetiniń tóraǵasy Jánibek Taıjanov aıtty.

— Bıyl Transqazaqstandyq temirjol dálizin damytý maqsatynda aýqymdy jumystar bastaldy. Bul dáliz Transkaspıı baǵytynyń negizgi býyny sanady, — dedi ol OKQ alańynda. 

Spıkerdiń aıtýynsha, ol úshin kelesi jobalar iske asyrylyp jatyr:

1. Qyzyljar — Moıynty jańa jelisi;
2. Altynkól — Jetigen jáne Beıneý — Mańǵystaý ýchaskelerin jańǵyrtý;
3. Zamanaýı retteý júıelerin engizý: Qyzyljar — Sekseýil, Qandyaǵash — Tobyl, Aqsý-1 — Degeleń — Jańa-Semeı, Shalqar — Beıneý, Álimbet — Nıkeltaý.

— Atalǵan jobalar boıynsha merdiger uıymdar aıqyndalǵan. 2026 jyldyń sońyna deıin olardy aıaqtap, qoldanysqa engizý josparlanyp otyr. Jalpy, kórsetilgen barlyq sharalardy iske asyrý elimizdiń tranzıttik áleýetin arttyrady. Sonymen qatar, jańa jumys oryndaryn quryp, el ekonomıkasynyń barlyq salalaryna mýltıplıkatıvtik áser beredi, — dedi Jánibek Taıjanov.

Elimizde aldaǵy maýsym jáne qyrkúıek aılarynda eki jańa elektropoıyz baǵdary ashylady.

Sondaı-aq áıelderge arnalǵan vagony bar jolaýshylar poıyzynyń sany 12-ge jetti.