Transkaspıılik talshyqty-optıkalyq baılanys jelisi qashan iske qosylady
ASTANA. KAZINFORM – Transkaspıılik talshyqty-optıkalyq baılanys jelisi 2026 jyldyń 3-toqsanynda iske qosylady. Bul týraly búgin jyl qorytyndysyna oraı BAQ ókilderimen kezdesken Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev aıtty.
- Kaspıı teńizi tabanymen Transkaspıılik talshyqty-optıkalyq baılanys jelisi jobasy qazirgi ýaqytta qarqyndy júrgizilip jatyr. Ony kelesi jyly aıaqtaýdy kútip otyrmyz. Kelesi jyldyń úshinshi toqsanynda Transkaspıılik talshyqty-optıkalyq baılanys jelisi jobasy iske qosylady. Qazaqtelekom men Ázertelekom arasyndaǵy joba ınternet trafık tranzıtin damytýda sıgnal irkilisin qysqartyp, Qazaqstan ınternet trafıgin tranzıttaýda mańyzdy ról atqaratyn bolady, - dedi mınıstr.
Onyń atap ótýinshe, qazirdiń ózinde Transkaspıılik talshyqty-optıkalyq baılanys jelisine ózge elder qyzyǵýshylyq tanytyp, jelige qosylýǵa nıet tanytyp otyr.
- ıAǵnı, bul jeliniń qajettiligin kórip otyrmyz. Qazirden-aq suranys baıqalýda, - dedi Jaslan Mádıev.
Buǵan deıin Qazaqstan men Ázerbaıjan arasyndaǵy alǵashqy sýasty baılanys jelisi ótetin teńiz túbin zertteý bastaǵanyn jazǵan edik.