Transkaspıı kólik baǵdaryn damytý máselesi Astana forýmynda talqylandy

ASTANA. QazAqparat – Astana halyqaralyq forýmynda Transkaspıı halyqaralyq kólik baǵdaryn damytý máseleleri talqylandy, dep habarlaıdy QazAqparat «Qazaqstan temir joly» UK«AQ baspasóz qyzmetine silteme jasap.

Memleket basshysy Qasym-Jomart Toqaevtyń bastamasymen ótken forým sheteldik delegatsııalar jáne halyqaralyq uıymdar delegattary men bıznes pen ǵylymı orta ókilderiniń negizgi ǵalamdyq máselelerdi talqylaǵan dıalog alańyna aınaldy.

»Orta dáliz: eýrazııalyq baılanysty nyǵaıtý«atty paneldik sessııada jetekshi álemdik sarapshylar Transkaspıı halyqaralyq kólik baǵdary (THKB) jumysynyń tıimdiligin arttyrý jaıyn talqylap, Qazaqstannyń tranzıttik hab retindegi rólin atap ótti. 2023 jyldyń ótken 5 aıynda Qazaqstan arqyly tranzıttik tasymal kólemi 42% artqan.

EDQQB-nyń Ortalyq Azııa boıynsha basqarýshy dırektory Jýjanna Hargıtaıdyń aıtýynsha, Orta dáliz túrli elderdegi iri óndiristik ortalyqtardy baılanystyrady jáne baǵdar áleýetin tolyq paıdaǵa asyryp,»tar«oryndardy joıý úshin qatysýshy elderdiń ǵana emes, sonymen qatar osy baǵdardaǵy basqa da negizgi elderdiń ózara is-qımyly qajet.

Sarapshylar THKB-ny sátti damytý tarıftik jáne retteýshi rejımdi ózgertýdi, ınfraqurylymnyń ótkizý qabiletin damytýdy, úılestirý joldaryn ázirleýdi, barlyq múddeli taraptardyń yntymaqtastyǵyn qajet etedi degen pikirge keldi.