Transkaspıı halyqaralyq kólik baǵytynyń keleshegi bar - Prezıdent

ASTANA. QazAqparat – Eýrazııa naryqtaryna jańa múmkindikter ashatyn Transkaspıı halyqaralyq kólik baǵytynyń keleshegi bar. Bul týraly Qazaqstan Prezıdenti TMD Úkimetteri basshylary keńesiniń múshelerimen kezdesýinde aıtty, dep habarlaıdy QazAqparat Aqordaǵa silteme jasap.

Memleket basshysy ekonomıkalyq seriktestikti keńeıtý úshin jaǵdaı jasaýdyń mańyzdylyǵyn atap ótti. Halyqaralyq naryqtaǵy daǵdarys jaǵdaıyna qaramastan, ekonomıkamyz birtindep qalpyna kele bastaǵanyn aıtty. Sondaı-aq, kólik-tranzıt áleýetin damytý máselelerine toqtaldy. Atap aıtqanda, Eýrazııa naryqtaryna jańa múmkindikter ashatyn Transkaspıı halyqaralyq kólik baǵytynyń keleshegi bar ekenin jetkizdi.

«Bul máseleniń ózektiligi artyp keledi. TMD-ǵa múshe memleketter qolda bar áleýetti damytý úshin birlesip jumys isteıtin bolady. Atap aıtqanda, Iranǵa, Parsy shyǵanaǵy men Úndistanǵa shyǵatyn «Soltústik - Ońtústik» baǵyty boıynsha saýda-sattyqty órkendetý mańyzdy», - dedi Qasym-Jomart Toqaev.