Transkaspıı dálizine Slovenııanyń Luka Koper teńiz porty tartylmaq

ASTANA. KAZINFORM – Transkaspıı halyqaralyq kólik dálizi jobasyna Slovenııanyń Luka Koper teńiz porty tartylmaq. Bul týraly Aqordada elimizge resmı saparmen kelgen Slovenııa Prezıdenti Natasha Pırts-Mýsarmen kelissózderden keıingi BAQ ókilderine arnalǵan birlesken málimdeme barysynda Memleket basshysy Qasym-Jomart Toqaev atty.

Қазақстан - Словения
Фото: Ақорда

- Eki el bıznes ókilderiniń baılanysyn tereńdetý – mańyzdy mindetterdiń biri. Osyǵan oraı Qazaqstan-Slovenııa iskerlik keńesin qurý máselesin talqyladyq. Prezıdent Pırts-Mýsarmen birge elimizge Slovenııanyń iri kásipkerleri de keldi. Erteń olardyń qatysýymen bıznes forým ótedi. Bul shara osy baǵyttaǵy jumysty kúsheıtýge yqpal etedi dep oılaımyn. Sonymen qatar kólik-logıstıka salasyndaǵy baılanys aıasyn keńeıtý qajettigin talqyladyq. Transkaspıı halyqaralyq kólik dálizi jobasyna Slovenııanyń Luka Koper teńiz portyn tartý máselesin talqyladyq. Ortaq pikirge keldik dep aıtýǵa bolady. Ózara alys-beristiń kólemin arttyrý úshin quzyrly organdarǵa naqty sharalar qabyldaý jóninde tapsyrma berdik. Budan bólek sý resýrstaryn basqarý isine sloven tarapynyń ozyq tájirıbesin zerdelep, birlese jumys isteýge daıyn ekenimizdi jetkizdim, - dedi Memleket basshysy.

Prezıdent taǵy bir mańyzdy baǵyt – mádenı-gýmanıtarlyq yqpaldastyq jaıyna toqtaldy.

- Bilim, ǵylym jáne mádenıet salasyndaǵy qatynasty jandandyrýǵa mol múmkindik bar. Jalpy, Slovenııanyń bilim berý júıesi dúnıejúzinde ozyq júıe retinde moıyndalǵan. Sondyqtan biz eki el ýnıversıtetteri arasynda baılanys ornatýǵa múddelimiz. Qazaqstan Slovenııanyń joǵary oqý oryndarymen jáne zertteý ortalyqtarymen yntymaqtastyqty nyǵaıtýǵa daıyn, - dedi Qasym-Jomart Toqaev.

Osyǵan deıin Qasym-Jomart Toqaev Slovenııamen qandaı salalarda tyń jobalarlar júzege asyrylatyndyǵyn atady.

 

Сейчас читают